ابوذيات وزهيري منتقاة من اغاني الفنان حسام الرسام

من طرف **جرح الغربة** الأحد سبتمبر 02, 2007 1:46 pm

ابوذيات وزهيري منتقاة من اغاني الفنان حسام الرسام
اه امدا للوكت ماعدة ابد عادلة
الزين وية الردي حطة بوزن عادلة
وك اعرف زماني صعب واعرف الف عادي الة
يضكون همة العسل واهلنة جرعوا المر
لك دمي وية دمك نزف والجلب يصعد همر
تكول جانت ورث للخلفة وعادلة.................................................. ............
لعب بية زماني شلون ماراد
ونفس روحي ياصاحب طلع ماراد
اكلة تريدني يكول مااريد
عساهه بركبتك يلي انكتت بية.................................................. .......
ولك عدلة صديقك لو عوج وياك عدلة
واسلوبك ياحبيبي وياي عدلة
يسويهه النصيب وتجي عدلة
واشك حلكك ترة بثنين ايدية.................................................. ......
تراجي من الذهب لابس وساعة
وقميصة من الخصر مابي وساعة
ساعة ينام المدلل وساعة
يفز مرعوب ريتة بين ايدية.................................................. ......
يمة غارك ابحر الالم وتناوشت ساحلة
بميدان حرب الالم صرت بوسط ساحة الة
صار المطاير علي وكل جرح دم ساحلة
زين انت محد وصل بابك بضيج وعدة
ياصاح اجوني الربع كلهم شماتة وعدة
تركض اركاض الفكر خلاك زين وعدة
ولك آنة سحل على الجمر كلبي الفكر ساحلة.................................................. ..............
بسمار دكني الوكت وبكل كتر بسمرة
وماضكت حلوة ابد ياوسفتي بس مرة
راوني شكلة الفرح بعمري بس مرة
خلاني فاقد عقل مثل الذي شاربي
وانة الجنت كل الزهر مايصحة ابد شابي
ياحيف وانة الذي يرهف سبع شابي
ومن دون كل الخلق ضحكت علية مرة.................................................. .........
يمة زماني وياي ماانصف بجيلة
ولج ياعين بسج بجيلة
حبيبي شلون صوبني بجيلة
يمة زرف كلبي اوكف شامت علية.................................................. ...........
غرامك بالعشق اثر ودارة
هجرت الي تعب وياك ودارة
سمعت بقيس عاف اهلة ودارة
حملت الضيم واهمومك سوية.................................................. ...
كلبي الجان الك مسكن والك دار
جفاك الحزن شل حالة والك دار
وك الدولاب مل مني والك دار
وانت والوكت صرتوا علية.
.................................................. ......
تاريخ هذا البلد لاتقراه بس طالعة
وشوف ياحقدي جم شمس بي طالعة
لاتخفي حقدك بعد كل الحقد طلعة
فجر ودمر بنة وخلي الدمة طائفة
مو طائفة خل تجي خل تجي مية طائفة
تريد بعراكنة تشعل حرب طائفة
الشيعي لمن غرك السني طب طلعة
.............................................

مع تحياتي حكم جبوري ...